Berrikuntza

Lanbide Heziketako Sailburuordetzak finantzatutako proiektu hau bi ikasturtetan garatzen da (2024-2025 eta 2025-2026), eta bigarren fase honetan Cocuus enpresa bazkide teknologiko gisa gehitu da. Proiektuan IES Francisco de Vitoria BHI eta Gamarra Ostalaritza Eskola aritzen dira elkarlanean, dietetika eta sukaldaritzarekin lotutako heziketa-zikloak modu koordinatuan uztartuz.

Helburu nagusia mastekatzeko zailtasunak dituzten adineko pertsonen elikadura hobetzea da, sukaldaritza tradizionala, iraunkortasuna eta elikadura-teknologia humanizatua bateratuz. Lehen ikasturtean, 65 urtetik gorako pertsonek testura egokituko dietetan zer jan nahi luketen identifikatzea izan zen ardatza, Bizan zentroetan egindako inkesten eta Vico Aurora egoitzan garatutako jarduera parte-hartzaileen bidez. Aldi berean, errezeta horiek modu seguruan eta errepikagarrian ekoizteko beharrezko teknologiak txertatu ziren.

Bigarren ikasturtean, garatutako errezeten onarpena testuinguru errealetan baloratuko da, eta haien nutrizio-kalitatea eta iraunkortasuna hobetuko dira, elikagaien aprobetxamendua eta kolektiboaren behar espezifikoetara egokitzapena indartuz.

Proiektuaren ardatz nagusietako bat ikasleentzako transferentzia eta dimentsio pedagogikoa da. Bi ikastetxeetako ikasleek parte-hartze aktiboa dute proiektuaren fase guztietan, errezeten diseinutik eta egokitzapenetik hasi eta ebaluaziora arte, eta beren ikaskuntzaren protagonistak bihurtzen dira. Erronka errealetan oinarritutako metodologiak aplikatuz, gaitasun teknikoak, digitalak eta sozialak garatzen dira, eta Lanbide Heziketako zikloetako berrikuntza aplikatuaren balioa azpimarratzen da, zahartzearekin eta zaintzarekin lotutako erronka sozialei erantzuteko tresna gisa.